Како да се справите со работата поврзана со одржување алишта - Gorenje
затвори
...

Како да се справите со одржување на алиштата

ДОМАШНИ ОБВРСКИ
22.9.2020

Одржувањето алишта е приказна која не завршува. Сортирање. Перење. Сушење. Пеглање. Закачување. А потоа следниот ден, сѐ од почеток. Не е ни чудо што е тешко да се издржи! Еве неколку совети за тоа како да го држите одржувањето на алиштата под контрола и како да не ја претворите корпата за алишта во чудовиште што ве прогонува!

1. Планирајте да бидете дома кога ќе заврши циклусот на перење. Ако е можно, најдобро е алиштата, веднаш штом ќе заврши циклусот на перење, да се пренесат директно од машина за перење во машина за сушење. Во спротивно, ризикувате алиштата да добијат непријатен мирис или да заборавите да ја завршите оваа задача, а потоа да најдете непријатно изненадување следниот пат кога ќе планирате да ја наполните машината за перење. Ако не сте дома во тоа време наместете потсетник на вашиот телефон за да не останат алиштата премногу долго во машината за перење.

2. Делегирајте. Тимската работа прави чуда, а истото важи и за работите поврзани со алиштата. Вклучувањето на целото семејство веројатно ќе бара време за учење, но на крајот тоа ќе се исплати во целост. Дајте му своја задача на секој член на семејството (соодветна на возраста) и гледајте како планината со алишта за перење едноставно исчезнува во текот на денот.

3. Искористете ја модерната технологија. Погледнете во упатството на машината за перење и можеби ќе се изненадите што можете да направите за помалку од еден час. Повеќето современи апарати имаат некоја брза програма, која може да ви заштеди време особено кога брзате. Gorenje WaveActive машините за перење, на пример, имаат брза и интензивна програма PowerWash 59’, со што ќе бидете сигурни дека, додека вие го подготвувате оброкот, вашата омилена облека ќе биде подготвена да ја носите повторно.

4. Направете го склопувањето на облеката забавно (на некој начин). Склопувањето на алишта што се собираат во текот на цела недела може да биде многу мачна работа - што често може да трае долго. Наместо тоа, склопувајте ги алиштата дел по дел. Најдобро е да ги склопите алиштата веднаш штом ги извадите од машина за сушење, но ако тоа не е можно од која било причина, ви предлагаме систем на сортирање: прво склопете ги наједноставните парчиња (како крпи или постелнина), потоа продолжете со облеката на возрасните и на крај соочете се со детската облека и со чорапите. Правејќи го ова на ваков начин, ќе бидете мотивирани бидејќи брзо ќе ги видите резултатите од вашата работа. Слушањето на омилениот подкаст, музика или аудио книга истовремено ќе го окупира вашиот мозок и ќе ја завршите работата пред да бидете дури и свесни за тоа.

5. Не пеглајте повеќе отколку што ви треба. Честото пеглање е најтешкиот дел од процесот на одржување на алиштата и може да одземе многу време, па секако не е воопшто забавно. Дали треба да го испеглате секое парче облека? Ве уверуваме дека не треба! Користењето на машина за сушење со функција за пареа, на пример, може значително да ги намали наборите и скоро да ја елиминира потребата за пеглање. И, ако сакате да дознаете повеќе, еве неколку дополнителни совети како да избегнете пеглање.

6. Инвестирајте во апарат со голем капацитет. Машините за перење и сушење со поголем капацитет ви овозможуваат да се погрижите за поголема количина алишта во еден циклус, што значително ќе ги намали вашето потрошено време и вложениот напор.

7. Не се вознемирувајте ако почнете да заостанувате. Понекогаш животот бара да се фокусираме на приоритетите, додека алиштата постојано се натрупуваат во аголот, и тоа е во ред. Само запомнете: ниту една количина на валкани алишта не вреди да се нервирате за неа.

WaveActive машините за перење од Gorenje се направени за да се стави крај на валканата работа на ефективен, лесен и еколошки начин.

WaveActive машините за перење користат напредни технологии за супериорни резултати на перење:

  • Уникатно дизајнираниот барабан во комбинација со брановидните 3D ребра ја омекнуваат ткаенината и овозможуваат најнежно перење.
  • IonTech ја користи моќта на природниот процес на јонизација, што овозможува оптимални резултати во перењето, без висока температура и без употреба на дополнителни хемикалии.
  • SteamTech за дополнителен третман со пареа која ги намалува наборите, алергените и бактериите.

Можеби би сакале да прочитате:

Посетете не
Facebook
YouTube
Споделете
Facebook
Бидете информирани
RSS
Prijava na novice